पाऊस

म्हणायला तुझा तो चंद्र लाडका किती 

छतावर जमल्यात बघं तारका किती?

 

मी उगा देवू किती कारणे न बोलायची 

अन तुझा तो अबोला हि बोलका किती?

मी पाहिलंय तुला चालताना एकट्याने

गरीबे दाखवले काय, तो घोळका किती?

भिजवले वैशाखात मला गुन्हा तुझाच 

पाठवला आठवांचा ढग गळका किती?

भूक पोटात अन डोळ्यात माणसाच्या 

मुक्या प्राण्यांचा त्यांना पुळका किती?

तू शाश्वत तू प्रमाण सारेच जाणतो मी 

जगावा आयुष्याचा भाग नेमका किती?

पेरून जाणीवांना तो राबतो रात्रंदिनी 

"पाऊस" मायबाप तरी पोरका किती?